बिशाल सापकोटा, कालिका, १० साउन
गुगलले तार बिना नै चार्ज गर्न मिल्ने नयाँ ट्याबलेट ल्याएको छ । यस अघिको
ट्याबलेटलाई अपग्रेड गर्दै गुगलले नेक्सस ७ लञ्च गरेको हो । बुधबार (हिजो)
स्यानफ्रान्सिस्कोमा आयोजित एक कार्यक्रमका बिच गुगलले पहिले भन्दा पातलो र
तिब्र गतिमा ईन्टरनेट चल्ने ४ जी प्रबिधिको ट्याबलेट ल्याईएको बताएको छ ।
नयाँ ट्याबलेटको दुई भर्सन वाई फाईमा मात्र चल्ने खालका छन । गुगलको
नेक्सस ७ एन्ड्रोयड जेलीबीन ४.३ मा चल्ने पहिलो ट्याबलेट भएको बताईएको छ ।
गुगलको एन्ड्रोयड प्रोडक्टका उपाध्यक्ष हुगो बार्राले नेक्सस ७ पहिले देखि
नै बजारमा हिट रहेको भन्दै यसलाई कायम राख्न अपग्रेड भर्सन ल्याईएको
बताएका छन । उनले नयाँ ट्याबलेटमा स्क्रिन रेज्युलेशन समेत बढाईएकाले
प्रयोगकर्ताले मन पराउने दावी गरे ।
यसलाई ३ सय २३ पिक्जल प्रति ईञ्चको रेज्युलेशनको साथ उपलब्ध गराईने जनाईएको छ, जुन हाल सम्म आएका कुनै ट्याबलेटमा छैन ।
यस्तै यसमा ५ मेगापिक्जलको मुख्य र १.२ मेगापिक्जलको फ्रन्ट क्यामरा दिईएको छ ।
अमेरिकामा १६ जिबीका लाई २२९ डलर र ३२ जिबीको लाई २६९ डलर तोकिएको छ । सामसुङको ग्यालेक्सी एस ४ पनि तार बिना चार्ज हुन्छ ।
No comments:
Post a Comment